|
ANEATH THE BONNET MAKER'S MOON |
|
Strange scenes tak place in Stewarton Toon, That they are true the auld folks swear, Judge for yersel as ye read here. This tale brocht Leezie Allan fame, And gills the number wha can name, When death took place 'twas Leezie's wark Tae dress the deid in their last sark. Ae nicht the knock had jist struck ten, When seated at her ain fire-en', Wi' some kind frien' the summons came, A chiel had gone tae his lang hame. Aff Leezie set wi' a' her speed, And never aince she turned her held, Until she reached the hoose o' doom, And stood within the verra room. There lay the corpse upon a table, Oh reader, know this is nae fable, Ere she commenced her gruesome task, It was her habit she would ask, And aye received a weel filled cup, It helped to keep her courage up. But Leezie's lips they scarce were wat, When the deid man yawned then upright sat, And said, 'Oh Leezie dinna show yer greed But share yer dram wi' ane in need.' The corpse revived 'twas guid tae see, A hoose o' sorrow turned tae glee, Though aince a corpse noo weel and hale Aye he ended thus the tale. If I was deid this is the truth, I waulkened wi' an awful drouth, And Leezie whaur the glasses clink, Will tell the tale and gie a wink, And aye maintain tho' stiff and cauld, There's aye some hope for young and auld.'
|